in

Shihni momentin çfarë ndodh kur makina jonë goditet nga rrufeja? Video

Kur rrufeja goditi kamionçinën që po drejtonte burri saj brenda së cilës ishin edhe fëmijët, gruaja që rastësisht e filmoi mendoi më të keqen.

Gabina u shkatërrua por asnjë nga banorët nuk u lëndua. Familja po kthehej nga pushimet me dy makina. Bashkëshortja ishte në makinën e pasme dhe nisi të bënte videon, kur vuri re se bashkë me shiun nisën të binin edhe shumë vetëtima.

Bashkëshorti me tre fëmijët e familjes, ndodhej në kamionçinë, mbi të cilën ra një rrufe tronditëse. Michaelle May Whalen në atë moment po bënte një video duke u përpjekur të “kapte” disa shkrepje mbresëlënëse.

Florida konsiderohet si kryeqyteti i vetëtimave të SHBA-së, pasi ka shumë vetëtima dhe stuhi, veçanërisht gjatë muajve të verës. Çdo vit, sipas një studimi, ky vend goditet mesatarisht nga 1.2 milion rrufe. Florida gjithashtu ka numrin më të madh të vdekjeve të lidhura me rrufetë në SHBA, me 49 deri më tani (ndërsa në Teksas, për shembull, shifra përkatëse është 22).

Por ëfarë duhet të bëjmë kur ka rrufe dhe stuhi?

Sipas drejtorit të EMY, Thodoris Kolidas, nuk duhet të dalim nga makina kur ka stuhi. Automjeti konsiderohet një vend i sigurt për të na mbrojtur nga fenomene të tilla të motit: Duke qenë se është prej metali, na mbron nga rrufetë. Makina duhet të ketë një çati metalike në mënyrë që rryma të përhapet në pjesën e jashtme të automjetit pa goditur pasagjerët. Kjo është arsyeja pse pasagjerët e kamioncines nuk u lënduan nga rrufeja…

Pra, nëse jeni në një makinë gjatë një “stuhie” të fortë, ndaloni makinën në anë të rrugës, në një zonë larg pemëve. Mbani dritaret të mbyllura dhe shmangni kontaktin me objektet metalike të makinës. Makina ju mbron nga rrufeja për sa kohë që nuk prekni asnjë pjesë metalike.

Mitet dhe të vërtetat

Miti: gomat e makinave ju mbrojnë nga një goditje rrufeje duke i izoluar nga toka.

E vërteta: Shumica e makinave ofrojnë mbrojtje nga rrufeja, por kjo është për shkak të çatisë metalike dhe anëve metalike të makinës, jo gomave . Mbani mend, kabriolet, motoçikletat, biçikletat, automjetet pa çati dhe makinat me çati plastike nuk ofrojnë mbrojtje nga rrufeja .

Kur rrufeja godet një automjet, rryma elektrike kalon përmes kornizës metalike në tokë. Mos u mbështetni pas dyerve gjatë stuhisë.

Miti: Strukturat që janë bërë tërësisht ose pjesërisht prej metali (bizhuteri makinash, telefona celularë, ora) tërheqin rrufetë.

E vërteta: Lartësia, objektet me majë dhe objektet e izoluara në hapësirë ​​janë faktorët kryesorë që përcaktojnë se ku do të ndodhë një rrufe. Prania e metaleve nuk bën absolutisht asnjë ndryshim se ku do të godasë rrufeja përfundimisht.

Malet, pavarësisht se janë kryesisht prej guri, goditen nga rrufeja disa herë në vit. Nëse jeni të kërcënuar nga një stuhi, merrni masa të menjëhershme mbrojtëse duke kërkuar një strehë të përshtatshme dhe mos humbisni kohë të vlefshme duke u përpjekur të largoni ndonjë objekt metalik nga ju.

What do you think?

Written by Trend Live

Leave a Reply

Your email address will not be published.

‘Nuk e vr*va unë, çfarë thoni’! Jepet masa e sigurisë për Andrea Stase i dyshuar se mbyti babain

E kritikoi se rrinte shumë kohë në celular, adoleshenti bën veprimin ekstrem ndaj gjyshit të tij