Shqiptari kapet me 5 kg k*kainë në Hollandë, justifikimi i tij çudit policinë: Erdha të takoj një vajzë që njoha në Tik-Tok

Një shqiptar u kap me 5 kg kok*inë në afërsi të Denverit në Hollandë. Ai ishte duke drejtuar një automjet tip “Opel Insignia” kur u ndalua nga policia dhe iu gjet kok*ina e fshehur nën kroskot.

Makina që ai drejtonte kaloi kufirin gjerman në Venlo përpara se të hynte në Belgjikë, ndaj Prokuroria holandeze dyshon se shqiptari është pjesë e një rrjeti ndërkombëtar të trafikut të dr*gës. Kur doli para gjykatës, i riu shqiptar është justifikuar se ai kishte ardhur në Holandë për të takuar një vajzë që e kishte njohur në rrjetin social Tik-Tok.

“Njoha një vajzë përmes Tik-Tokut dhe doja ta vizitoja”, mësohet të ketë thënë 30-vjeçari.

Gjithashtu shqiptari ka bërë të ditur se ai ia kishte marrë makinën hua një të panjohuri në Gjermani, shkruajnë mediat holandeze.

“A nuk është e çuditshme që dikush që nuk e njeh të jep hua makinën?”, pyeti gjykata të dyshuarin.

Ndërkohë, i riu shqiptar iu përgjigj duke thënë: “Kjo s’është ndonjë gjë e pazakontë për ne shqiptarët kur takohesh jashtë vendit”.

“Ju huazoni një makinë nga dikush që nuk e njihni dhe nuk ia dini emrin ose ku jeton. Kjo është një histori e çuditshme, zotëri”, ia ktheu gjykatësi.

Më tej reagoi edhe prokurori publik duke iu drejtuar me këto fjalë: “Këtu po flasim për krime të rënda. Trafikimi i dr*gave të forta shpeshherë shoqërohet me flukse parave dhe dhunë” të tepruar”.

Ndërkaq, avokati i shqiptarit, Alexander Admiral i tha gjykatës se klienti i tij nuk e kishte idenë që dr*ga ishte fshehur në makinë dhe kërkoi lirimin e 30-vjeçarit shqiptar ndërsa iu referua vendimeve të gjykatave të tjera me raste të ngjashme.

“Ai nuk e kishte idenë se kishte një hapësirë të fshehur në makinën që mori hua. Klienti sigurisht që nuk e dinte që përmbante pesë kilogramë ko*ainë.”

Në makinën që drejtonte 30-vjeçari kishte një ndarje të fshehur, ku oficerët gjetën një tel. Pas hetimeve, rezultoi se ajo hapësirë ishte e aksesueshme përmes një truku të atillë ku fillimisht duhej ndezur motori, më pas duhej ndezur ngrohja e xhamit të pasmë dhe më pas vendosej një magnet. Në kroskot policia gjeti pesë pako me kok*inë e cila nëse do të hidhej në treg do të kapte shifrën e 350 mijë eurove.

“Nëse jeni të bindur se realisht kam qenë në dijeni për dr*gën në makinë, ju kërkoj të mos më dënoni me tre, por me tridhjetë vjet”, është shprehur shqiptari.